Facts about Triyuginarayan Temple, wedding place of lord shiva

0
6525

మాహాశివుడు పార్వతి దేవిని వివాహం చేసుకుని ఆ తరువాత అర్ధనారీశ్వర అవతారంతో దర్శనమిచ్చారు. అయితే శివపార్వతుల వివాహం జరిగింది ఈ ఆలయంలోనే అని, ఇక్కడ ఉన్న పీఠం పైన వారి వివాహం జరిగిందని పురాణాలూ చెబుతున్నాయి. ఎంతో పురాతన చరిత్ర కలిగిన ఈ ఆలయంలో ఎన్నో విశేషాలు అనేవి ఉన్నాయి. మరి ఈ ఆలయం ఎక్కడ ఉంది?  ఆ ఆలయానికి సంబంధించి స్థల పురాణం ఎం చెబుతుందనే విషయాల గురించి మనం ఇప్పుడు తెలుసుకుందాం.

lord shiva and parvati in wedding

ఉత్తరాఖండ్ రాష్ట్రం, సొన్ ప్రయాగకు పడమరగా సుమారు 5 కి.మీ. దూరంలో త్రియుగీ నారాయణ్ అనే ఆలయం ఉంది. ఇది చాలా పురాతనమైన పవిత్ర పుణ్య స్థలం. ఈ ఆలయం లో రెండు అడుగుల ఎత్తు గల శ్రీలక్ష్మీనారాయణుల విగ్రహ మూర్తులు ఉన్నాయి. ఈ ఆలయం ప్రాంగణంలోనే 3 కుండములు వరుసగా ఉన్నాయి. వీటిని బ్రహ్మ కుండం, విష్ణు కుండం, సరస్వతి కుండం అని అంటారు.

lord shiva and parvati in wedding

అయితే శ్రీ మహావిష్ణువు యొక్క నాభి వద్ద నుండి సరస్వతి నది జన్మించి, ఈ సరస్వతి కుండంలో కలుస్తుందని స్థల పురాణం చెబుతుంది. ఈ జలం ప్రత్యేకత ఏంటంటే మహిళలను సంతానవంతులుగా చేస్తుందని చెబుతారు. ఇక్కడ విశేషం ఏంటంటే, బ్రహ్మ కుండంలోని నీరు పసుపు పచ్చ రంగులో ఉంటాయి. ఈ కుండం లో బంగారు రంగుతో ఉండే రెండు చిన్న పాములు ఉంటాయి. ఇవి ఎవరిని ఎం చేయవని చెబుతారు.

lord shiva and parvati in wedding

ఇక ఈ ఆలయం బయట గోడలు  లేకుండా నాలుగు మూలాల రాతిస్థంబాలు, రాతి పైకప్పు మాత్రం ఉండి, మందిరం మధ్యలో ఒక నేలమీద నుండి నాలుగు అంగుళాల ఎత్తులో, సుమారు 3 అడుగుల ఉన్న రాతిపలక పానవట్టం లాగ ఉండి మధ్యలో ఒక చిన్న శివలింగం ఉంటుంది. అయితే శివపార్వతులు వివాహం ఈ పీఠం పైన జరిగిందని స్థల పురాణం చెబుతుంది.

lord shiva and parvati in wedding

దీనికి గుర్తుగా ఆలయం లోపల గర్భాలయానికి ముందువైపున ఉన్న ఒక మండపంలో పెద్ద పెద్ద కొయ్య దుంగలతో ఒక మంట నిరంతరం మండుతూనే ఉంటుంది. మూడు యుగముల నుండి ఆ మంట ఆరిపోకుండా నిరంతరం మండుతూనే ఉందని చెబుతారు. ఇలా మూడు యుగముల నుండి మంట నిరంతరం అలాగే మండుతూ ఉండగా దీనికి నారాయణుడే సాక్షి అని ఈ స్వామికి త్రియుగీ నారాయణ్ అనే పేరు వచ్చిందని స్థల పురాణం చెబుతుంది.

lord shiva and parvati wedding in temple

ఇచట శివపార్వతుల కళ్యాణం సత్యయుగంలో జరిగింది. ఇప్పటికి ఇక్కడ వెలుగుతున్న వాహనకుండ్ జ్యోతి సమక్షంలో శివపార్వతుల వివాహం జరిగినట్లు చెబుతారు. ఈ అగ్ని నుండి వచ్చే బూడిద ధిపతుల వివాహ బంధాన్ని ఆశీర్వదిస్తుందని చెబుతారు.