ఆడవాళ్లు అందం పెంచుకోవడానికి అనేక రకాల పద్ధతులు ఉపయోగిస్తుంటారు. కొంతమంది ఖరీదయినా క్రీములు వాడుతారు. మరి కొంతమంది ఇంట్లో దొరికే పధార్ధాలను ఉపయోగించి అందానికి మెరుగులు దిద్దుకుంటారు. అయితే మార్కెట్ లో దొరికే ఖరీదయినా క్రీములు వాడే కంటే ఇంట్లో దొరికే వాటిని ఉపయోగించడం ఉత్తమం. ఎందుకంటే బయట దొరికే ప్రొడక్ట్స్ లో రసాయన పదార్ధాలు ఉంటాయి. అవి చర్మానికి హాని కలిగిస్తాయి.
పగిలిన మడమలు, పాదాలకు వారం రోజుల పాటు రోజూ మగ్గిన అరటి పండు గుజ్జును పాదాలకు మర్దన చేసి అరగంట తర్వాత నీటితో కడిగితే సమస్య నయమవుతుంది.
చెమట, కాలుష్యం, పేలుకారణంగా ఇన్ఫెక్షన్ ఏర్పడి తల మీద కురుపులు, పుండ్లు పడితే చెంచా వేపనూనె, 10 గ్రాముల కర్పూరం కలిపి మాడుకు పట్టిస్తే పేలు నశించటమే గాక పుండ్లు, కురుపులు పూర్తిగా మాడిపోతాయి.
మూడు పూటలా బటాణీ గింజ సైజు వేపాకు ముద్ద మింగితే ఎన్ని క్రీములు వాడినా వదలని మొటిమలు సైతం వదిలిపోతాయి.
గజ్జి బాధితులు గుప్పెడు వేపాకు, చెంచా పసుపు, చెంచా ఉప్పు దంచి ముద్దజేసి గజ్జి కురుపుల మీద రుద్ది గంట తరువాత సున్నిపిండితో స్నానంచేస్తే గజ్జి కురుపులు మానిపోతాయి.