భక్తులు కోరిన కోరికలు తీర్చే కొండంత దేవుడు ఆ వెంకన్న స్వామి. ఈ స్వామిని ఏడుకొండలవాడని, గోవింధుడని, బాలాజీ అని, తిరుమలప్ప అని, వెంకటరమణుడని, మలయప్ప అని ఇలా ఎన్నో పేర్లతో ఆప్యాయంగా పిలుచుకుంటారు. అయితే శ్రీవేంకటేశ్వరస్వామి కుబేరుని దగ్గర తీసుకున్న అప్పు తీర్చలేక ఇక్కడ కొండపైన కొన్ని రోజులు ఉన్నాడని స్థల పురాణం. మరి ఈ ఆలయం ఎక్కడ ఉంది? ఈ ఆలయ స్థలపురాణం ఏంటనే విషయాల గురించి మనం ఇప్పుడు తెలుసుకుందాం.
ప్రస్తుత కాలంలో అప్పులు లేని వారు ఎవరూ ఉండరు. ఈ విధంగా అప్పులతో ఎంతో మంది ఎన్నో సమస్యలను ఎదుర్కొంటూ ఉంటారు.
తీవ్రమైన ఆర్థిక ఇబ్బందుల కారణంగానే చాలామంది అప్పులు చేస్తుంటారు. మరి మన ఆర్థిక ఇబ్బందులను తొలగించే మనకు అప్పులు తీర్చమని చాలామంది ఆ దేవతలను వేడుకుంటారు.
ఈ విధంగా అప్పులు సమస్యతో బాధపడేవారు గుబులు వెంకటేశ్వర స్వామి ఆలయాన్ని దర్శిస్తే వారి ఆర్థిక ఇబ్బందులు తొలగిపోతాయని చెప్పవచ్చు. హైదరాబాద్ వరంగల్ హైవే చిల్పూరు గుట్టలో వెంకటేశ్వర స్వామి ఆలయం ఉంది.
ఈ వెంకటేశ్వర స్వామి ఆలయాన్ని గూగుల్ వెంకటేశ్వర స్వామి ఆలయం అని కూడా పిలుస్తారు. ఈ ఆలయంలో స్వామివారిని దర్శిస్తే వారికి ఆర్థిక ఇబ్బందులు తొలగిపోతాయని భక్తులు విశ్వసిస్తారు.
ఈ ఆలయంలో ఉన్నటువంటి అఖండ దీపంలో నూనే వేసి దీపం వెలిగిస్తే ఆర్థిక ఇబ్బందులు తొలగి పోయి రుణబాధలు తీరుతాయని భావిస్తారు. అసలు ఈ ఆలయాన్ని సందర్శిస్తే అప్పులు ఏవిధంగా తీరుతాయనే విషయానికి వస్తే. పురాణాల ప్రకారం వెంకటేశ్వర స్వామి తన వివాహాన్ని అంగరంగ వైభవంగా జరుపుకోవడం కోసం కుబేరుని వద్ద తీసుకున్న విషయం మనకు తెలిసిందే.
అయితే ఆ అప్పులు తీర్చలేక వెంకటేశ్వరస్వామి ఎంతో గుబులుగా చింత చేస్తూ చిల్పూరు గుట్టకి వచ్చి అక్కడ గుహలో కుబేరుడి అప్పు తీర్చలేకపోయానన్న బాధతో తపస్సు చేశారని పురాణాలు చెబుతున్నాయి. ఈ విధంగా స్వామివారు అప్పు తీర్చలేక గుబులుతో ఇక్కడ ఉండటం వల్ల ఇక్కడ వెలిసిన ఎటువంటి స్వామివారిని గుబులు వెంకటేశ్వర స్వామి అని పిలుస్తారు.
ఈ కొండకు స్వామివారు వచ్చినప్పుడు కొండ కింద భాగంలో స్వామివారి పాదాల గుర్తులు ఏర్పడ్డాయి. ఈ విధంగా స్వామివారి పాదాలు ఉన్నచోటును పాదాల గుండు అనే పేరుతో పిలుస్తారు.
