ఇప్పటి వారికి రాజ్మా పెద్దగా పరిచయం లేదు కాని ఇది చాలా మంచి పోషకాహారం. ఆరోగ్యానికి పోషకాలు అందించే భోజనంలో కచ్చితంగా ఉండాల్సిన పదార్థాలలో రాజ్మా ఉంటుంది. అందుకే చాలా హోటల్స్ లో ఇప్పటికీ వీటి కర్రీ ఫేమస్.. దీనిని చాలా మంది ఇష్టంగా తింటారు. సౌత్ ఇండియాలో కంటే నార్త్ ఇండియన్స్ వీటిని ఇష్టంగా తింటూ ఉంటారు.
పప్పుదినుసులలో ఒకటైన రాజ్మా శరీరానికి మంచి శక్తిని ఇస్తుంది. అలాగే కండర నిర్మాణం బాగుంటుంది. ప్రొటీన్లు పుష్కలంగా అందుతాయి. ఇది పీచు పదార్ధం కాబట్టి ఇందులో ఎలాంటి చెడు ఫ్యాట్ కొలెస్ట్రాల్ రావు. వీటిని తింటే జీర్ణ సమస్యలు రావు.
రక్తంలో కొలెస్ట్రాల్ స్థాయిలను తగ్గించడానికి ఉపయోగపడుతుంది. పీచుపదార్థాల వల్ల ఎక్కువసేపు కడుపు నిండుగా అన్పించి తక్కువ ఆహారం తీసుకొనేలా చేస్తుంది. ముఖ్యంగా వీటిలో ఫెనోలిక్ యాసిడ్, టానిన్లు, ఫ్లేవనాయిడ్లు లాంటి యాంటీ ఆక్సిడెంట్లు ఎక్కువగా ఉన్నాయి.
ఇక షుగర్ పేషెంట్లు బీపీ ఉన్నవారు గుండె జబ్బులు ఉన్నవారు వీటిని తీసుకోవచ్చు, కిడ్నీ సమస్యలు ఉన్న వారు మాత్రం కాస్త దీనికి దూరంగా ఉండాలి అంటున్నారు వైద్యులు.
