పంచ భావన్నారాయణ క్షేత్రాలలో ముఖ్యమైన ఆలయం!

ఆంధ్రప్రదేశ్ రాష్ట్రంలో పంచ భావన్నారాయణ క్షేత్రాలు ఉన్నాయి. అందులో ప్రధానమైన ఆలయం బాపట్ల భావన్నారాయణస్వామి ఆలయం అని చెబుతారు. మరి ఈ ఆలయ స్థలపురాణం ఏంటి? ఈ ఆలయ విశేషాలు ఏంటనేది మనం ఇప్పుడు తెలుసుకుందాం.

Bhavanarayana Temple

ఆంధ్రప్రదేశ్ రాష్ట్రం, గుంటూరు జిల్లా, బాపట్లలో శ్రీ భావన్నారాయణస్వామి ఆలయం ఉంది. అతి ప్రాచీనమైన వైష్ణవ ఆలయాలలో ఈ ఆలయం కూడా ఒకటిగా చెబుతారు. ఈ ఆలయాన్ని సుమారుగా 1400 సంవత్సరాల క్రితం చోళరాజుల నిర్మించినట్లుగా తెలియుచున్నది. ఇక శివుడికి పంచ క్షేత్రాలు ఉన్నట్లుగానే, శ్రీమహావిష్ణువుకు కూడా పంచ భావన్నారాయణ క్షేత్రాలు ఉన్నవి. అందులో బాపట్ల ఆలయం ప్రధానమైనదని చెబుతారు.

Bhavanarayana Temple

ఈ ఆలయ పురాణానికి వస్తే, పూర్వం ఇక్కడ బ్రహ్మర్షులు సమావేశమై ఒక యాగకుండమును ఏర్పాటు చేసి శ్రీమన్నారాయుడిని స్మరిస్తూ హోమం చేస్తుండేవారట. అయితే ఆ స్వామివారు యుగధర్మమును అనుసరించి వారికీ వేర్వేరు రూపాలతో దర్శనం ఇస్తుడేవారట. అయితే ద్వాపరయుగంలో క్షిరవృక్షంలో శేషరూపం ధరించిన స్వామివారు కలియుగంలో కూడా అందులోనే ఉండిపోగా ఒక చోళరాజు తన యాత్రలో భాగంగా ఈ ప్రాంతానికి వచ్చినప్పుడు ఆ రాజు ఏనుగులు ఇక్కడ ఉన్న క్షిరవృక్షం ఆకులూ తినబోగా వాటి తొండములు చెట్టు కి అంటుకుపోయి రాకపోవడంతో ఆ ఆశ్చర్యాన్ని చూసి రాజు అవి చేసిన పొరపాటును తెలుసుకొని ఇక్కడ ఆలయాన్ని కట్టించి అందులో స్వామివారిని ప్రతిష్టించి పూజించాడని పురాణం.

Bhavanarayana Temple

ఇక ఈ ఆలయ విషయానికి వస్తే, క్రీ.శ. 594 లో క్రిమి కంఠ చోళుడు ఈ ఆలయాన్ని నిర్మించాడు. ఈ గ్రామంలో ఎనిమిది దిక్కుల్లో వల్లాలమ్మ, కుంచలమ్మ, శంకరమ్మ, శింగరమ్మ, ధనకొండలమ్మ, మూలకారమ్మ, నాగభూషణమ్మ, బొబ్బలమ్మ అనే ఎనిమిది మంది గ్రామ శక్తులను ఎనిమిది దిక్కుల్లో ప్రతిష్టించారు. ఈ ఆలయంలో ప్రతి సంవత్సరం వేసవిలో జరిగే బ్రహ్మోత్సవాలకి లక్షల సంఖ్యల్లో భక్తులు వస్తుంటారు. ఇంకా వైకుంఠ ఏకాదశి నాడు ఉత్తర ద్వారా దర్శనం ఇక్కడ కన్నుల పండుగగా జరుగుతుంది.

Bhavanarayana Temple

Related Articles

Stay Connected

1,378,511FansLike
640,000FollowersFollow
1,470,000SubscribersSubscribe

Latest Posts

MOST POPULAR