కొంతమంది కళను పరిచయం చేస్తే, మరి కొంతమందిని కళ పరిచయం చేస్తుంది. తాను అలా పరిచయం కాబోతున్న అమ్మాయే… తనకి ఉన్న లోపం కన్నా, తనకి ఉన్న నైపుణ్యం పదింతలు పెద్దది. బొమ్మలు గీయడం తన అభిరుచి అయితే, దానికి ఆమె పెట్టుబడి శ్రద్ధ. చాలా మంది హీరోల, ఇతర సినీ తారల పెన్సిల్ స్కెచెస్ గీసింది తను. తను గీసిన ఆ చిత్రాలను మీకు పరిచయం చేస్తూ ఈ ఆర్టికల్…
ఫార్మసీ పూర్తి చేసిన ఈ హైదరాబాద్ అమ్మాయి మొదట్లో సరదగా బొమ్మలు గీయడం మొదలుపెట్టినా, ఆ తరువాత అదే లోకంగా మారింది. సరదాగా పట్టిన పెన్సిల్ తన చేతిని వదల్లేదు, వ్యాపకంగా మొదలైన అలవాటు తన మనసును విడువలేదు.
అయితే, శ్వేతకి ఉన్న లోటు మనలా నడవలేకపోవడం. She has been suffering from Limb girdle dystrophy. సింపుల్ గా చెప్పాలంటే తన కండరాలకి తనను నడిపేటంత శక్తి లేకపోవడం. అయితే, తన గీసిన వాటికి మాత్రం హీరోలను కదిపే శక్తి ఉంది. హీరోలు రానా, మనోజ్ ల దగ్గర నుండి ప్రశంసలు కూడా దక్కాయి.
చివరగా, తన పెన్సిల్ నడక ఏ మాత్రం ఆగకూడదని కోరుకుంటున్నాను.
