పిల్లి ఎదురొస్తే కీడు జరుగుతుందని చాలామంది నమ్ముతుంటారు. అలాంటి శకునాలను తెలుగువారు మాత్రమే కాకుండా ప్రపంచవ్యాప్తంగా అనేకమంది విశ్వసిస్తుంటారు. అలాగే శారీరక శకునాలు బలంగా నమ్మేవారు లేకపోలేదు. శరీర నిర్మాణాన్ని బట్టి కూడా మనిషిని అంచనా వేస్తుంటారు. అవి ఏమిటంటే..
అమ్మాయికైనా, అబ్బాయికైనా తలమీద ఉన్న జుట్టు రాలిపోతుంటే దురదృష్ట సూచనగా గుర్తించాలి. 
తెల్ల జుట్టు ఉండేవాళ్లు ఎక్కువగా పిరికివాళ్ళుగా ఉంటారు. చిన్న చెవులుగల వ్యక్తులు సున్నిత స్వభావాన్ని కలిగి ఉంటారు. మందమైన చెవులు గలవారు కఠిన స్వభావాన్ని, అధిక కామ వాంఛను కలిగి ఉంటారు. చెవి తమ్మెలు పెద్దవిగా ఉన్నవారు బుద్ధిజీవులై ఉంటారు. మరీ పెద్దవిగా ఉంటే వేదాంతులు అవుతారు.
