వంట గదిలో ఉండే ఎన్నో ఔషధాలు మన అందాన్ని, ఆరోగ్యాన్ని పరిరక్షిస్తుంటాయి. మనం చేయవలసినదల్లా దేని వల్ల ఎలాంటి ఉపయోగాలు ఉంటాయి వాటిని ఎలా ఉపయోగించాలి అనేది తెలుసుకోవడమే. అందులో ఒక మంచి రెమెడీ గురించి బియ్యం నీళ్లు. అన్నం వండడానికి ముందు ఒకటికి రెండు సార్లు బియ్యాన్ని కడుగుతాం. తర్వాత ఆ నీటిని పారబోస్తాం. కానీ ఈ నీళ్లలో అనేక పోషకాలున్నాయని ముఖ్యంగా అవి సౌందర్య పోషణకు ఎంతో ఉపయోగపడతాయని ఆరోగ్య నిపుణులు చెపుతున్నారు. ఆ పారబోసే నీటితో అందాన్ని రెట్టింపు చేసుకోవచ్చు. అదెలాగో ఇప్పుడు తెలుసుకుందాం.
తల స్నానం చేసే ముందు బియ్యం నీళ్లను తడుపుకుని మస్సాజ్ చేసి ఏదైనా హెర్బల్ షాంపూతో తలంటుకుంటే జుట్టు మెరిసిపోతుందట.
ఈ బియ్యం నీటితో రోజూ ముఖం కడుక్కుంటే చర్మం నిగారింపు రావటమే కాకుండా చర్మం పైన మడతలు, మచ్చలు, మొటిమలు పోతాయి. మొటిమల కారణంగా ఎర్రబడిన చర్మం మామూలుగా మారుతుంది.
బియ్యం నీటిలోని పోషకాల వల్ల చర్మం జీవం సంతరించుకుంటుంది. తెరుచుకొని ఉన్న చర్మ రంధ్రాలు మూసుకుని, చర్మం బిగుతుగా మారుతుంది.
