వంటకాల్లో విరివిగా ఉపయోగించే ఇంగువ తింటే చాలా లాభాలున్నాయంటున్నారు ఆయుర్వేద నిపుణులు. అయితే ఘాటైన వాసన కలిగిన ఇంగువను తినడానికి చాలామంది ఇష్టపడరు. ఇంగువను తినడానికి చాలా ఇబ్బందిగా ఫీలవుతూ ఉంటారు. యాంటీ బయాటిక్, యాంటీ వైరల్, యాంటీ ఇన్ప్లమేటరీ లక్షణాలు కలిగిన ఇంగువ తింటే మన శరీరంలో మనకు తెలియకుండానే ఎన్నో ఉపయోగాలు కలుగుతాయంటున్నారు ఆయుర్వేద నిపుణులు.
సెనగ గింజ సైజులో బెల్లం మధ్యలో పెట్టి తింటే నెలసరిలో వచ్చే పొత్తి కడుపు నొప్పి తగ్గుతుంది.
నీళ్లను బాగా మరిగించి, చిటికెడు ఇంగువ వేసి రోజులో 2, 3 సార్లు తాగితే తలనొప్పి తగ్గుతుంది. అయితే దీన్ని మరీ ఎక్కువ తీసుకుంటే విరేచనాలు అవుతాయి.
అధిక రక్తపోటు ఉన్నవారికి ఇంగువ బాగా సహాయపడుతుంది.
క్యాబేజీ, బంగాళాదుంప లాంటి కూరలు తిన్నప్పుడు కడుపులో గ్యాస్ చేరి ఇబ్బంది పెడుతుంది. దీని వల్ల ఒక్కోసారి కడుపునొప్పి కూడా వచ్చే అవకాశం ఉంటుంది. దీన్ని నుంచి బయటపడాలంటే ఇవి వండేటప్పుడు చిటికెడు ఇంగువ వేస్తే చాలు.
రోజూ దీన్ని తీసుకుంటే వైరల్ ఇన్ఫెక్షన్ల బారి నుంచి తప్పించుకోవచ్చు.
ఆస్తమాతో ఇబ్బంది పడేవారు ఇంగువ తీసుకుంటే ఫలితం ఉంటుంది.
లైంగిక పటుత్వం తగ్గినవారు మర్రిపాలలో తేనె, కొద్దిగా ఇంగువ కలిపి 40 రోజుల పాటు తీసుకుంటే మంచి ఫలితం ఉంటుంది.