భారతదేశంలోని గొప్ప ఇతిహాసాలలో రామాయణం ఒకటి. విష్ణు మూర్తి రాముడిగా అవతరించినట్లు పురాణాల్లో పేర్కొన్న విషయం చాలా మందికి తెలిసిందే. మానవులకు మరియు దేవతలకు అనేక ఇబ్బందులు కలిగించిన రావణుడిని రాముడు హతమార్చాడు.
అయితే మనకు తెలియని ఎన్నో లక్షణాలు రావణాసురుడులో ఉన్నాయి. వాటి గురించి తెలుసుకుంటే చాల ఆశ్చర్యం కలుగుతుంది.
రావణాసురుడికి పది తలలు ఉంటాయి.
గొప్ప శివ భక్తుడు. సకల శాస్త్రాలు, వేదాలు, పురాణాలు, విద్యలను అభ్యసించిన తెలివైనవాడు రావణుడు.
శాస్త్ర, విజ్ఞాన రంగాల్లో అతను ఆరితేరి ఉండడం వల్లే పుష్పక విమానాన్ని రావణాసురుడు తయారు చేశాడని చెబుతారు. రావణాసురుడికి అలంకరణ పట్ల చాలా అభిరుచులు ఉన్నాయట.
ఖగోళ, జ్యోతిష్య శాస్త్రాల్లో రావణాసురుడు దిట్ట. ఆయా శాస్త్రాలను అవపోసిన పట్టిన కొద్ది మందిలో రావణుడు కూడా ఒకరని చెబుతారు. మన దేశంతోపాటు శ్రీలంకలోనూ కొన్ని ప్రాంతాల్లో ఇప్పటికీ రావణున్ని పూజిస్తారు.
అయితే రావణుడి భార్య మండోదరిని వానర సేనలు వేధిస్తాయట. అయినప్పటికీ రావణుడు తన భార్యకు ఎలాంటి పరీక్ష పెట్టకుండానే స్వీకరించాడని చెబుతారు. భార్య పట్ల అమితమైన ప్రేమ కలవాడు రావణుడు.