పెద్ద వాళ్ళు ఏం చేసిన దానికి వెనుక అర్ధం, పరమార్ధం అనేది ఉంటుంది. ఇప్పటి జనరేషన్ వారికీ అవి పెద్దగా తెలియనప్పటికీ తెలుసుకోవాల్సిన భాద్యత ఎంతైనా ఉంది. సనాతన భారతీయ సంస్కృతి, సాంప్రదాయంలో అనుసరించిన కొన్ని పద్దతులు ఆచారంగా మారిపోయాయి.
ఇక మన హిందూ సాంప్రదాయ వ్యవస్థలో పెళ్లికి చాలా ప్రాముఖ్యత ఉంది. పెళ్లిలో భాగంగా రకరకాల కార్యక్రమాలు ఉంటాయి. ముఖ్యంగా హిందూ వివాహ పద్దతిలో వధూవరులకు నుదుట బాసికం కడతారు. దీని వెనుక ఆధ్యాత్మికంగానే కాదు, శాస్త్రీయంగానూ లాభాలు ఉన్నాయి.
వేదకాలంలో ఈ భాగాన్ని రుషులు దివ్యచక్షువు అని పిలిచేవారు. వివాహసమయంలో దీనిపై ఇతరుల దృష్టి సోకకుండా బాసికాన్ని కడతారు. అంతేకాదు ఎలాంటి ప్రమాదాలు, కష్టాలు రావని నమ్ముతారు. బాసికం అర్ధచంద్రాకారం, త్రిభుజాకారం, చతురస్త్రాకారంలో ఉంటుంది. నుదుట భాగాన బ్రహ్మ కొలువుంటాని హిందువులు ప్రగాఢ నమ్మకం.
ఏంతో పవిత్రమైన ఈ ప్రదేశంపై ఇతరుల దృష్టి సోకడం కూడా మంచిది కాదు. అందుకే పూర్వకాలం నుంచి బాసికం ధరించడం ఆచారంగా వస్తోంది. సాధారణంగా వివాహ సమయంలో వధూవరులను అందంగా అలంకరిస్తారు. వారి అలంకరణను చూసి అతిథులు, బంధువులు ముగ్దులవుతారు.
అలా అందరూ చూసేటప్పుడు వారిపై కనుదృష్టి పడుతుంది. ఇటువంటి వాటి నుంచి రక్షణ పొందడానికే బ్రహ్మ కొలువున్న ఈ స్థానంలో బాసికాన్ని కడతారు. దీని వల్ల భార్యభర్తల మధ్య బంధం మరింత బలపడుతుంది కూడా.
