చెవుడు లేదా వినికిడి లోపం అనగా శబ్దాలను పూర్తిగా లేదా పాక్షికంగా వినలేకపోవడం. దీనికి చాలా విధాల జీవసంబంధ మరియు పర్యావరణ కారకాల వలన ఏర్పడుతుంది. అయితే ఈ వినికిడి లోపం ఏ వయసులోనైనా ప్రమాదమే. చాలామంది వినికిడి లోపమంటే అదేదో పెద్దల, మరీ ముఖ్యంగా వృద్ధుల సమస్యేననుకుంటారు. కానీ అది సరికాదు. వినికిడి లోపం పిల్లల్లోనూ, యుక్తవయస్కుల్లో కూడా తరచుగా కనబడుతూనే ఉంటుంది. పైగా ఆ చిన్నవయసులో వినికిడి లోపం వల్ల ఎదుగుదల తీవ్రంగా ప్రభావితమై, వారి ఉజ్జ్వలమైన భవిష్యత్తు అయోమయంగా కూడా తయారవుతుంది. అదృష్టవశాత్తూ చిన్నవయసులో తలెత్తే వినికిడి లోపాన్ని ముందుగా గుర్తిస్తే చక్కదిద్దేందుకు ఇప్పుడు అత్యాధునికమైన మార్గాలు చాలానే ఉన్నాయి.
కర్ణభేరిలో రంధ్రం వల్ల కర్ణభేరికి అనుసంధానంగా మధ్య చెవిలో ఉండే మూడు గొలుసు ఎముకల్లో ఒకటి గట్టిపడిపోవటం, మధ్య చెవి నుంచి ముక్కుకు ఉండే యూస్టేషన్ ట్యూబు మూసుకుపోయి చెవిలో ద్రవాలు, జిగురు వంటి పదార్థాలు పేరుకుపోవటం, మధ్యచెవిలో కణుతులు రావటంవల్ల చెవి నొప్పి, వినికిడి సమస్యలు తలెత్తుతాయి.
చెవులు వినపడుట లేదని, ఇయర్ బడ్, పెన్సి, స్టిక్ లేదా ఇతర వస్తువులను చెవులో తిప్పడం వల్ల చెవులు మరింత డ్యామేజ్ అవుతాయి. స్నానం చేసినా కూడా చెవుల్లో తేమను కాటన్ క్లాత్ తో మాత్రమే తుడుచుకోవాలి.