మహిళలు గర్భం రాకుండా గర్భనిరోధక మాత్రలు వాడుతుంటారు. శృంగారం తరువాత ప్రెగ్నెన్సీ రాకుండా ఇది అడ్డుకుంటుంది. అయితే వీటిని సరైన పద్ధతిలో వాడాల్సి ఉంటుంది. మహిళల రుతుక్రమాన్ని బట్టి ఇవి పని చేస్తాయి. రుతుక్రమాన్ని ఆలస్యం చేయడమో లేక ముందు వచ్చేలా చేయడమో ఇవి చేస్తుంటాయి. ఈ కారణంగానే ఇవి గర్భం రాకుండా అడ్డుకోగలగుతాయి. గర్భనిరోధక మాత్రలు మహిళలకు అవాంఛిత గర్భం గురించిన భయం లేకుండా లైంగిక సుఖాన్ని ఆస్వాదించే అవకాశం అందిస్తాయి.
కుటుంబంలో రక్తం గడ్డకట్టిన చరిత్ర ఉన్నవారు మాత్రలు తీసుకోకూడదు. అధిక రక్తపోటు, గుండె సమస్యలతో బాధపడే వారు కూడా వాడవద్దు. ఇప్పటికే ఊబకాయం, మధుమేహంతో బాధపడుతున్నవారు, ధూమపానం అలవాటున్న మహిళలు గర్భనిరోధక మాత్రలను అస్సలు ఉపయోగించకూడదు.