వావిలాకు గురించి మనలో చాలా మందికి తెలిసే ఉంటుంది. బిడ్డ పుట్టిన తర్వాత బాలింతలకు చేయించే స్నానంలో వీటిని ఉపయోగిస్తారు. వీటిలో ఉండే మెడికల్ గుణాలు వలన ఇది బాలింతలకు శరీరానికి ఎటువంటి ఇన్ఫెక్షన్స్ రాకుండా, బలంగా ఉండేలా చేస్తుంది. అంతేకాకుండా పల్లెటూళ్లలో పనులు చేసి కీళ్ళనొప్పులు, మోకాళ్ళ నొప్పులు ఉన్నవారు వీటిని నీటిలో మరిగించి ఆ నీటితో స్నానం చేయడం చూస్తుంటాం.
వావిలకులను నీటిలో మరిగించి నొప్పి ఉన్నచోట కడగడం వలన కూడా త్వరగా ఉపశమనం లభిస్తుంది. ఎలాంటి నొప్పులకైనా తక్షణ ఉపశమనం కోసం నీటిలో వావిలాకు వేసి ఉడికించి ఆ నీటిని బాధ కలిగించే శరీర భాగం మీద ధారగా పోస్తే ఎంతో ఫలితం ఉంటుంది. కేవలం నొప్పుల కోసమే కాదు ఎన్నో రకాలుగా ఈ మొక్క ఉపయోగపడుతుంది. భారతదేశంలో వివిధ ఆచారాలలో కూడా ఉపయోగించబడుతుంది. అందుకే ఈ చెట్టును పవిత్రమైన చెట్టు అని కూడా పిలుస్తారు.
వావిలాకు నిజంగా ఒక దైవ మూలిక అనే చెప్పాలి. ఇది ఆయుర్వేదంలోనే కాదు, మిగతా అన్ని చికిత్సా విధానాలలో కూడా ఉపయోగించబడుతుంది. యునాని, సిద్ధ, హోమియోపతి మరియు అల్లోపతిలో అన్ని రకాల తలనొప్పి, పార్శ్వపు నొప్పి, చర్మం సమస్యలు, గాయాలు, వాపు, స్త్రీ పురుషుల్లో లైంగిక సమస్యలు మరియు అనేక ఇతర సమస్యలకు వావిలకు సహాయంతో చికిత్స చేయవచ్చు.
వావిలి మొక్క యొక్క మూలాలు, ఆకులు, పువ్వులు, పండ్లు మరియు బెరడును మూలికా సమ్మేళనాలలో నూనెలు, ముద్దలు, రసాలు మరియు పొడుల రూపంలో ఉపయోగిస్తారు. విస్తృతంగా ప్రబలుతున్న జ్వరాల నుండి చాలా అరుదైన కుష్టు వ్యాధి వరకు ఉన్న రుగ్మతలను నయం చేయడానికి వాడతారు. ఇది మాత్రమే కాదు, పురుగుమందులు, ఎరువులు, ధాన్యం రక్షణకు వేసే రంగుల్లో కూడా దీన్ని ఉపయోగిస్తారు.
వావిలి అధిక శరీర ఉష్ణోగ్రతను తగ్గించడానికి, ఇన్ఫెక్షన్లను ఎదుర్కోవటానికి మరియు రోగనిరోధక శక్తిని పెంచడానికి సహాయపడుతుంది, దీనిలో విటమిన్ సి అధికంగా ఉండటం మరియు సహజ యాంటీబయాటిక్ లక్షణాలు ఉన్నాయి. వావిలాకులతో కషాయం కాచి, మిరియాలు పొడి కలిపి ఇస్తే జలుబు, తల భారంతో వచ్చే జ్వరం త్వరగా తగ్గుతుంది. చలిజ్వరం నివారణకు అరకప్పు వావిలాకు రసానికి రెండు చెంచాల తేనె కలిపి తీసుకోవాలి.
వావిలిలో న్యూరోప్రొటెక్టివ్ లక్షణాలను కలిగి ఉన్న పాలీఫెనాల్స్, ఆల్కలాయిడ్స్ మరియు సేంద్రీయ స్టెరాయిడ్లతో సహా తగినంత ఫైటోన్యూట్రియెంట్స్ ఉన్నాయి. అంతేకాక, వావిలకులో యాంటిస్పాస్మోడిక్ భాగాలు ఆకస్మిక కండరాల కదలికలను మరియు మూర్ఛలను సమర్థవంతంగా నియంత్రిస్తాయి. మూర్ఛవ్యాధి ఉన్న వ్యక్తికి వావిలాకు రసం ముక్కులో వేస్తే చక్కని ఫలితముంటుందంటారు. చిన్నపిల్లల్లో కూడా మూర్ఛ వచ్చినపుడు ఈ ఆకు రసం ముక్కులో వేస్తే, ప్రథమ చికిత్సగా పనిచేస్తుంది.
పత్రాలను దిండులాగా తయారు చేసి, తల క్రింద పెట్టుకొని పడుకుంటే, తరచుగా వచ్చే తలనొప్పి, జలుబు మటుమాయం అవుతుందని అంటారు. తలనొప్పిగా ఉంటే దీని ఆకులను నూరి తలకు పట్టిస్తే సరి నొప్పి యిట్టే తగ్గిపోతుంది. వావిలకు రసంలో అల్లంరసం కలిపి ముక్కులో వేస్తే పార్శ్వపు తలనొప్పి తగ్గుతుంది. ఇది పంటి నొప్పిని కూడా నివారిస్తుంది.
విటమిన్ సి, విటమిన్ ఇతో పాటు ఫ్లేవనాయిడ్లు, టెర్పెనాయిడ్లు పునరుజ్జీవింపచేసే యాంటీఆక్సిడెంట్లతో ఆశీర్వదించబడిన వావిలి ఆరోగ్యకరమైన జుట్టు పెరుగుదలకు అద్భుతమైన ప్రయోజనాలను అందిస్తుంది. వావిలి యొక్క నూనె పదార్దాలు సాధారణంగా నువ్వుల నూనెతో కలిపి నెత్తిమీద అప్లై చేయడం వలన చిన్న వయసులో వచ్చే తెల్లజుట్టును రాకుండా అడ్డుకుంటాయి.
