మన పరిసరాలలో ఎన్నో మొక్కలు పెరుగుతుంటాయి. వాటిల్లో ఆయుర్వేద పరంగా ఉప‌యోగ‌ప‌డే మొక్కలు కొన్ని ఉంటాయి. కానీ వాటిని గ‌మ‌నించం. అవి మన ప‌రిస‌రాల్లోనే పెరుగుతాయ‌ని తెలిసి ఆశ్చ‌ర్య‌పోతుంటాం. అలాంటి మొక్క‌ల్లో రణపాల మొక్క ఒక‌టి. దీన్ని ఆఫీసుల వ‌ద్ద, ఇంటి ప‌రిస‌రాల్లో అలంక‌ర‌ణ మొక్క‌గా పెంచుతారు. కానీ ఆయుర్వేద పరంగా ఈ మొక్క వల్ల ఎన్నో ప్ర‌యోజ‌నాలు క‌లుగుతాయి.
సాధారణంగా ఒక మొక్క రెండు నుంచి మూడు రోగాలు నయం చేస్తుంది. మహా అయితే ఇంకొన్ని రోగాలను నయం చేస్తుందని చెబుతుంటారు నిపుణులు. కానీ రణపాల మొక్క యొక్క ఆకులు,వేర్లు, కాండం ఇవన్నీ మనకు ఎన్నో రకాలుగా ఉపయోగపడి సుమారుగా 150 కి పైగా రోగాలను నయం చేస్తుందట.
రణపాల మొక్క లో ఎక్కువగా యాంటీ బ్యాక్టీరియల్, యాంటీ వైరల్, యాంటీ మైక్రోబయోల్, యాంటీ ఫంగల్,యాంటీ హిస్టామైన్ తోపాటు అనాఫీలాక్టిక్ లక్షణాలు ఎక్కువగా ఉంటాయి. అధిక రక్తపోటు, తలనొప్పి, గడ్డలు, వాపు వంటి ఎన్నో రకాల రోగాలకు దివ్యౌషధంగా పనిచేస్తుంది. ఈ మొక్క యొక్క ఆకుల నుండి తయారైన టీ ని తిమ్మిరి, ఉబ్బసంతో పాటు సైనస్ సమస్యలతో బాధపడుతున్నవారు తాగడం వల్ల త్వరగా ఉపశమనం కలుగుతుంది.
రోజూ ఉదయం, సాయంత్రం ఈ ఆకులను 2 చొప్పున తింటుంటే డ‌యాబెటిస్ తగ్గుతుంది. షుగ‌ర్ లెవ‌ల్స్ అదుపులో ఉంటాయి. రణపాల మొక్క రసాన్ని ఐదు నుంచి పది చుక్కల వరకు తీసుకోవడం వల్ల రక్తపోటు నియంత్రణలో ఉంటుంది. గుండె ఆరోగ్యంగా ఉంటుంది. కామెర్లు ఉన్న‌వారు రోజూ ఉదయం, సాయంత్రం ఈ ఆకుల రసాన్ని 30 ఎంఎల్ మోతాదులో తీసుకోవాలి. దీంతో వ్యాధి నయం అవుతుంది.
రణపాల ఆకు రసాన్ని కళ్ల చుట్టూ పలుచటి లేపనంగా రాయడం వల్ల కంటి నొప్పుల నుంచి బయటపడవచ్చు. రణపాల ఆకులను చూర్ణం చేసి నుదిటిపై పట్టులాగా వేయడం వల్ల తల నొప్పి త్వరగా తగ్గుతుంది. రణపాల ఆకుల రసం ఒక్క చుక్క‌ను చెవిలో వేస్తే చెవిపోటు తగ్గుతుంది. ఈ ఆకులను తింటే జుట్టు రాల‌డం త‌గ్గుతుంద‌ది. తెల్ల వెంట్రుక‌లు రావ‌డం ఆగుతుంది.
అంతేకాదు రణపాల ఆకులను పేస్ట్‌లా చేసి కట్టు క‌డుతుంటే కొవ్వు గడ్డలు, వేడి కురుపులు తగ్గుతాయి. శ‌రీరంలో వాపులు తగ్గుతాయి. స్త్రీలలో ఎక్కువగా యోని సంబంధిత వ్యాధులు వస్తుంటాయి. ఇలాంటి వారికి రెండు గ్రాముల తేనె ను 40 నుంచి 60 మిల్లీ లీటర్ల కషాయం లో కలిపి ఇవ్వాలి. ఇలా చేయడం వల్ల త్వరగా ఉపశమనం కలుగుతుంది. రణపాల ఆకు రసాన్ని తీసుకోవడం వల్ల పైల్స్ నుంచి విముక్తి కలుగుతుంది.
