Here Are The Five Shiva Lingas In India That Fascinate All Devotees

0
2768

మన దేశంలో పరమ శివుడు లింగ రూపంలో వెలసిన ఆలయాలు చాలానే ఉన్నాయి. శివుడు ప్రతి ఆలయంలో మనకి లింగ రూపంలోనే దర్శనం ఇస్తుంటాడు. ఇలా ఆ స్వామి వెలసిన ఒక్కో లింగానికి ఒక్కో విశిష్టత ఉంది. అయితే మన దేశంలో ఉన్న ఈ ఐదు శివలింగాలు చూడటానికి ఒక అధ్భూతం అనే చెప్పాలి. మరి మంత్రముగ్దుల్ని చేసే ఆ ఐదు శివలింగాలు ఎక్కడ ఎక్కడ ఉన్నాయి? ఆ శివలింగంలో ఉన్న ప్రత్యేకత ఏంటనే విషయాలను మనం ఇప్పుడు తెలుసుకుందాం.

అమరనాథ్ దేవాలయం:

Five Shiva Temples

ఈ అమరనాథ్ దేవాలయం అత్యంత పవిత్రమైన తీర్థక్షేత్రం. ఇది ప్రధానంగా గుహ దేవాలయంగా వుంది. ఇది సంవత్సరంలో నిర్దిష్టమైన సమయంలో మాత్రమే కనిపించే శివలింగం. ఈ శివలింగం స్వయంగా మంచుగాడ్డతో సృష్టించబడ్డ శివలింగమై అత్యంత ప్రసిద్ధిగాంచినది. ఈ ఆలయం వేసవి కాలంలో తప్ప మిగిలిన సంవత్సరం మొత్తం మంచుతో కప్పబడి ఉంటుంది. ఈ శివలింగాన్ని దర్శించుకొనుటకు ప్రతి సంవత్సరం కొన్ని వేల మంది భక్తులు వేసవిలో అమర్నాధ్ కి తరలి వస్తారు.

నర్మదా నది తీరం వద్ద శివలింగం:

Five Shiva Temples

మధ్యప్రదేశ్ లో వున్న మహేశ్వర్ లో నర్మదా నదిలో ప్రతిష్టించబడివున్న ఈ శివలింగం అత్యంత అద్భుతమైనది. శివ లింగానికి ఎదురుగా నందిస్వామి వెలసియున్నాడు. పురుషుడు మరియు ప్రకృతి సమాగమాన్ని సూచించే ఈ శివలింగం స్థలం అత్యంత పవిత్రమైంది. ఇక్కడ స్నానమాచరించిన సకలపాపాలు పరిహారమౌతాయి అని నమ్ముతారు.

బృహదీశ్వర దేవాలయం:

Five Shiva Temples

తమిళనాడులోని అనేక శివలింగ దేవాలయాలున్నాయి. అందులో బృహదీశ్వర దేవాలయం తమిళనాడులోని అత్యంత ప్రాచీనమైన మరియు ప్రసిద్ధమైన దేవాలయం. ఈ దేవాలయం అనేక విశేషాలను కలిగి, అత్యంత పవిత్రమైన యాత్రా స్థలంగా వుంది. ఇక్కడి శివలింగం ఏకశిలతో చేయబడిన భారీ శివలింగం ఈ ఆలయంలో మనకి దర్శనమిస్తుంది.

కేదారేశ్వర దేవాలయం:

Five Shiva Temples

మహారాష్ట్రలోని హరిశ్చంద్రఘడ్ లో వున్న కేదారేశ్వర దేవాలయంలో అత్యంత మహిమాన్వితమైన దేవాలయం ఇది. ఈ ఆలయం నాలుగు స్తంభాలు కలిగివున్న ఒక ఒక గుహ ఆలయం. అయితే ఆ నాలుగు స్తంభాలలో ఇప్పటికే 3 స్తంభాలు నాశనం చేయబడ్డాయి ఇంక మిగిలినది ఒకే ఒక స్థంభం. ఈ స్తంభంపడిపోతే యుగాంతం వస్తుందని చెప్పబడినది.

ముఖ లింగం:

Five Shiva Temples

మధ్యప్రదేశ్ రాష్ట్రంలోని విదిషాలోని ఉదయగిరి గుహలో అత్యంత అరుదైన శివలింగం ఉంది. ఇది ఒక ముఖాన్నికలిగివున్నశివ లింగమైనా దీనిని ముఖలింగం అనే పిలుస్తారు. ఇది చాలా ప్రత్యేకమైన నమూనాను కలిగి ఉన్న శివలింగం.

Five Shiva Temples

ఇలా ఎన్నో శివలింగాలు ఉండగా ఈ ఐదు శివలింగాలు దర్శిస్తే రెండు కళ్ళు చాలవని  ఈ శివలింగాల దర్శనం ఒక అద్భుతమని చెబుతారు.