Holy Temple Shrine Where Godadevi Impressed Sri Ranganatha With Her Worship

0
258

పూర్వం శ్రీహరి భక్తుడికి ఒక ఆడశిశువు తులసి వనంలో దొరుకగా ఆమె పెరిగి పెద్దైన తరువాత శ్రీహరిని ధ్యానిస్తూ చివరకి ఆ స్వామిని మెప్పించి స్వామిలో ఐక్యం అయిందని పురాణం. మరి గోదాదేవి వెలసిన ఆలయం ఎక్కడ ఉంది? ఈ ఆలయ విశేషాలు ఏంటనేది మనం ఇప్పుడు తెలుసుకుందాం.

Godadevi Impressed Sri Ranganatha

తమిళనాడు రాష్ట్రం, విరుద్ నగర్ జిల్లాలో శ్రీ విల్లిపుత్తూర్ అనే పుణ్యక్షేత్రం ఉంది. ఇక్కడ శ్రీ మహాలక్ష్మి ఆండాళ్ ఆలయం ఉంది. ఈ అమ్మవారిని గోదాదేవి అని కూడా పిలుస్తారు. దేశంలో ఉన్న 108 దివ్య తిరుపతులలో ఈ ఆలయం కూడా ఒకటిగా ప్రసిద్ధి చెందింది.

Godadevi Impressed Sri Ranganatha

ఇక పురాణానికి వస్తే, పూర్వం విష్ణుచిత్తుడనే ఒక పండితుడు ఉండేవాడు. యాయన శ్రీహరి కి మహాభక్తుడు. ప్రతి రోజు కూడా అతడు శ్రీహరిని సేవిస్తూ జీవిస్తుండేవాడు. ఒకసారి ఈ భక్తుడికి తులసివనంలో ఓకే ఆడశిశువు దొరికింది. అది శ్రీమన్నారాయణుడి కటాక్షంగా భావించి ఆ శిశువును చేరదీసి గోదాదేవి అని నామకరణం చేసి పెంచాడు. ఇలా పెరిగి పెద్దగా అయినా ఆ శిశువు శ్రీ రంగనాధుడ్ని అమితంగా సెవించింది.

Godadevi Impressed Sri Ranganatha

ఆ స్వామియే తన ప్రత్యేక్ష దైవమని ఎప్పటికైనా ఆ స్వామిని చేరాలని ఆకాంక్షించేది. ఈమె ప్రతి రోజుకూడా పుష్పహారాలను చేసి ముందుగా తన మెడలో ధరించి ఆ తరువాత స్వామివారి కైంకర్యానికి పంపేది. ఇలా స్వామిని ఎప్పటికైనా వివాహం చేసుకోవాలని తలిచేది. ఈవిధంగా భక్తితో గానామృతం చేసి తాను తలచినట్లే చివరకి స్వామిని వివాహమాడి శ్రీ రంగనాధునిలో ఐక్యం అయింది.

Godadevi Impressed Sri Ranganatha

ఈవిధంగా గోదాదేవి ఆవిర్బావించిన స్థలంగా చెప్పబడుతున్న ఈ ప్రాంగణంలో నిర్మించిన దేవాలయమే ఈ శ్రీ గోదాదేవి ఆలయం. గోదాదేవి దొరికిన తులసివనం ఇప్పటికి భక్తులకి దర్శనం ఇస్తుంటుంది. ఈ తులసివనంలోనే అమ్మవారికి గుర్తుగా ఓ చిన్న మందిరాన్ని నిర్మించి పూజిస్తున్నారు.

Godadevi Impressed Sri Ranganatha

ఇలా వెలసిన ఈ అమ్మవారిని దర్శిస్తే కన్యలకు వివాహ యోగం తప్పకుండ కలుగుతుందని భక్తుల నమ్మకం. అంతేకాకుండా పెళ్లి కానీ కన్యలు ఇక్కడ ధనుర్మాస వ్రతాన్ని ఆచరిస్తే వెంటనే వివాహం జరిగి, సౌభాగ్య సిద్ది కలుగుతుందని చెబుతారు.

Godadevi Impressed Sri Ranganatha

ఈ ఆలయంలో ధనుర్మాసం చివరి రోజున గోదాదేవి కళ్యాణం చాలా ఘనంగా నిర్వహిస్తారు. ఈ కల్యాణ మహోత్సవాలకు లక్షలాది మంది భక్తులు అనేక ప్రాంతాల నుండి తరలి వస్తుంటారు.