అనేక కారణాలతో తలనొప్పి వేధిస్తుంటుంది. ఈ సమస్య మొదలు కాగానే మిగతా పనిపై దృష్టి సారించలేం. కాబట్టి వెంటనే మెడికల్ షాపుకి వెళ్లి ఏదో ఓ ట్యాబ్లెట్ తెచ్చి వేసుకుంటాం.
ఒక్క రోజు సరిగా నిద్రలేకపోయినా, పని ఒత్తిడి పెరిగినా.. ఇలా కారణం ఏదైనా ముందు వచ్చేది తలనొప్పే. కొందరికైతే.. వారు తీసుకునే ఫుడ్ హ్యాబిట్స్ కారణంగా రెగ్యులర్ గా ఈ తలనొప్పి వస్తూ ఉంటుంది. నొప్పి తగ్గించేందుకు పెయిన్ కిల్లర్ వేసుకోక తప్పదు. కానీ ఈ పెయిన్ కిల్లర్స్ ఎంత వరకు సురక్షితం. రెగ్యులర్‌గా ఇలానే తలనొప్పి వేధిస్తుంటే మందులపై ఆధారపడకుండా ఇంట్లోనే తగ్గించుకునే ప్రయత్నాలు చేయాలి..
ఒక గ్లాస్ వేడి నీటిలో ఒక టీస్పూన్ అల్లం రసం కలుపుకుని తాగినా తలనొప్పి నుంచి వెంటనే ఉపశమనం పొందవచ్చు.
కొన్ని సార్లు మన శరీరంలో నీరు తక్కువైనా తలనొప్పి వస్తుంది. కనుక నీటిని బాగా తాగాలి. దీంతో తలనొప్పి తగ్గుతుంది.
ఒక గ్లాస్ గోరు వెచ్చని పాలలో చిటికెడు పసుపు కలుపుకుని తాగితే తలనొప్పి నుంచి ఉపశమనం లభిస్తుంది.
- కొద్దిగా రాతి ఉప్పును చేర్చిన పాలను తీసుకోవడం ద్వారా తలనొప్పి మాయం అవుతుంది.
- ఒక గ్లాసు వేడి నీటిలో కొద్దిగా నిమ్మరసం కలుపుకుని తాగితే ప్రభావం తొందరగా ఉంటుంది.
- యూకలిప్టస్‌ తైలం తలనొప్పి నివారిణిగా బాగా పని చేస్తుంది.
- గోరువెచ్చని ఆవుపాలు తాగినా తలనొప్పి నుంచి రిలాక్స్‌ అవ్వొచ్చు.
