ఆరోగ్యం స‌రిగా లేకుంటే సిరి సంప‌ద‌లు ఎన్ని ఉన్నా వేస్టే. అందుకే సంపాదనలో ఎంత బిజీ గా ఉన్నా ఆరోగ్యం, తీసుకునే ఆహరం విషయంలో కొంత శ్రద్ధ అవసరం. రోజూ తింటున్నాం కదా సరిపోదా అనుకుంటే ఖచ్చితంగా సరిపోదు. ఏదో ఒకటి తినడం కాదు మంచి ఆహారం తీసుకోవాలి. అప్పుడే ఆరోగ్యంగా ఉంటారు. ముఖ్యంగా ఆకుకూర‌లు ఎక్కువగా తినాలి.
అస‌లు పాల‌కూర‌తో క‌లిగే ప్ర‌యోజ‌నాలు ఏంటో ఇప్పుడు చూద్దాం.
*ఓ కప్పు పాలకూర లో 5 కేలరీలు మాత్రమే ఉంటాయి. ఇందులో సోడియం కూడా ఉంటుంది. అంతేకాదు ఫ్యాట్ ఉండదు అస్సలు కొలెస్ట్రాల్ రాదు. కాబట్టి బరువు తగ్గాలి అని భావించేవారు తరుచూ పాలకూర తీసుకుంటే మంచి ఫలితం ఉంటుంది.
*ఇక శరీరం బాగా వేడి చేసింది అనిపిస్తే వెంటనే పాలకూర తీసుకుంటే చలువచేస్తుంది.
*కీళ్లనొప్పులు, అస్థియోడైనియా పోగొడుతుంది. కండ‌రాల స‌మ‌స్య ఉన్న‌వాళ్లు పాలకూర తినడం మంచిది.
*సీజనల్ వ్యాధులు రాకుండా ఉంటాయి.
*పాలకూరలో ఉండే విటమిన్ కె, జుట్టు ఊడిపోకుండా బలం గా ఉండేలా చేస్తుంది.
* అలాగే గుండె స‌మ‌స్య‌లు రాకుండా చేస్తుంది.
* పాలకూర నిద్ర‌లేమి స‌మ‌స్య‌ల‌ను ద‌రిచేర‌కుండా చేస్తుంది.
* అన్నింటి క‌న్నా ముఖ్యంగా పాలకూర క్యాన్స‌ర్‌కు దూరంగా ఉంచుతుంది. అందుకే దీనిని ప్ర‌తిరోజూ తినాల‌ని సూచిస్తున్నారు వైద్యులు.
